Garita Automotiveren Erosketa sailaren misioa da hornitzaile- eta kolaboratzaile-panel trinko bat eratzea, zerbitzuak eta ondasunak eskuratu ahal izateko, merkatuaren baldintzarik onenetan. Gure helburua da konfiantzazko enpresa iraunkorrekin epe luzeko lankidetza-harremanak sortzea, elkarren arteko ulermena eta benefizioa oinarri hartuta.

Hornitzaileek oso argi izan behar dute gure sektoreak, alegia Automobilgintzak, exijentzia-maila oso altua duela. Horregatik, gutxienez, ISO 9001 ziurtagiria izan behar dute eta ahal izanez gero, IATF 16949 ziurtagiria ere.

Hornitzaileak aukeratzeko irizpide neurgarriak kontuan hartzen ditugu. Hau eskatzen diegu gure hornitzaileei:

· Kalitatezko produktu eta zerbitzuak
· Entregatzeko puntualtasuna
· Kostu-lehiakortasuna
· Bere espezialitatea ondo ezagutzea (know-how)

Bezeroa gure negozioaren erdigunea da. Horregatik, bere beharrak asetzeko, hornitzaileek Garita Automotiveren betekizunak kontuan hartu behar dituzte beren prozesuetan, horiek direlako gure bezeroen betekizunak.